Rawang di Kalangan (Ujanmas Baru)

ujan dehas ahi jumat tanggal 8 maret 2013 ye nimpe di ujanmas dan sekitarnye tabakanye pacak nimbulka rawang di kalangan ujanmas baru badanye di kampung IV na V, amen dek salah di seberang rel kisan di kalangan kire-kire arah ke SMP/budi karya. amen je kabarnye (sumeks) rawangnye lumayan dalam sampai 2-3 miter, laju tepakse behape jeme ye ade disane ye humanye tehemdam ngungsi numpang ke bada jeme keluargenye parak itu ye dide rawang.
penyebab rawangnye, kene ade gorong-gorong ye rusak nyadi tetutup laju ayek katek bada belahi. Bupati Merinem berencane ke mbenawi saluran ayek itu, ke di besakinye, janji beliau dang nginaki lokasi rawang ituni.
kanceku ye ade disane huma keluargenye "minarti" bekate di facebook sahini "Mudah2 han lah bersih mak, maaf ak tau nulongi, jangan banjer lg kesian dg keluarga k ya allah, br pindah tp lah d injookk cobaan. Muda2 han ade hikma ye amin..:D". kance, ikut prihatin mbacenye, ku doaka semoga rawang dide lame, keluarge disane diberi kesabaran na kekuatan jalaninye... aminn ya Robal'alamin"

Name Duson Di jamas lame

Aluni, awal negakah dusun, di jamas tu ade 6 duson,. Name-namenye tu ini die;

1. Dusun talang tinggi, badanye di dusun 1 menahi
2. Dusun cuhuh/mutung, diseberang dusun menahi, parak muahe sungai jamas , ade kuburan puyang kiemas
3. Dusun talang nyiur badanye di seberang dusun di iliw
4. Dusun remantai badanye di tanjungan
5. Dusun karang belimbing/karang dalam à di dusun 5/6 menahi, ade lunjuk peninggalan imam purba
6. Dusun ruguk raje dan ruguk depati, badanye diduson 8/9 menahi

Menahi la ade 9 duson, ditambah pemekarah sikok nyadi 10 duson, penambahannye yaitu di daerah jawi na sekitarnye.. name-name dusun ya menahi yaitu;

• Dusun 1 (tangga rasa)
• Dusun 2 (sinar kiemas)
• Dusun 3 (ratu pelangi)
• Dusun 4 (grogol jaya)
• Dusun 5 (karang belimbing)
• Dusun 6 (prabu)
• Dusun 7 (mangkuraja)
• Dusun 8 (aremantai)
• Dusun 9 (adipati)
• Dusun 10 (lum ade name… memane amen dinamei simpang jawi atawa jawi jaya????)

Name Puyang kite

ini name-name puyang ya mbentu duson jamas lame, la almarhum gale (au landie... die idup taun +/- 1786 Masehi), kite keturunannye doakah "ya Allah ya Robb, Semoga arwah-arwah leluhur kami, nineng puyang kami ni diterime amal ibadahnye, dilapangkan kuburnye, diampuni duse-dusenye, ngan diberi keselamatan diakhiratMu nanti,.. ya Robbi... amieenn ya Robbal'alamin..
ini name-namenye;

1. Puyang Bang Benguk name aslinye Puyang Purnawan Jaga Lenggang --> asalnye kisan di madura (jatim) name bininye Purnalis ngan adengnye namenye puyang setie.
2. Puyang Radin (men pecaknye kisan di kate Raden... gelar bangsawan lahni)
3. Puyang Kiemas (kisan di ki mas .. base plimbang .. temasuk rugu' bangsawan pule)
4. Puyang Ki Agung
5. Puyang Imam Purba
6. Puyang Panang Semarang
7. Puyang Remindang

ASAL MULE NAME UJANMAS

cerite ini asalnye kisan di buku "Bebue" , kitab ini peninggala kisan di Puyang Bang Benguk, ngan penulisnye Puyang Setia nga Puyang Kumbang, kitab ini di tulis di kayu kahas ngan tintanye getah kayu jadam. ditulis kurang lebih tahun 1786 Masehi.. (menahi umur duson la behape...!@#$%???-red.) sumbernye sikok aghi ade di museum jakarta bebentuk nampan kuningan ya beisi keturunan ngan silsilah puyang terus ade inventaris dusun.
mulainye nia duson ni ade di seberang lematang, badanye di pematang tapak ade di ulu tulung sungai jamas dide jauh kisan di dusun CUHUH/mutung, Ujanmas ni kisan di kejadiah maini ceritenye "putri Lentui dang mandi di ayek, mandi belangew maki ayek limau campur pandan di badahi na MUNDAM (menahi luluk baskom kisan dikuningan). sape putri lentui, die ni anak puyang kimas. na die dang mandi, ahi ujan. dang ahi hujan ni, hiasah putri lentui ni ya berupe lancung emas gelang ketengnye titek ke dalam baskom kuningan tadi.. na behubung ahi ujan na ade emas ya titek ke ayek langewan di baskom kuningan tadi lajula bada putri mandi tadi ngan daerah parak itu dinamei ngan UJANMAS"   (sumber : RPJMDes Desa Ujanmas lama-Red).

Piatu Na Putri........bag. 1

ceritenye maini.. lahni tu ade raje.. die ni ade anak suhang.. betine pule.. puti raje.. namenye "PUTRI". nahh... raje ni tambah tue.. la bungkok.. die ni risau niah ngan anaknye.. nyelah dikumpulkannye keluarge na pejabatnye..
"memanelah putri kite ni...?? " tanye raje ni
"ngape je putri kite tu?" timbal penggawe..
"aku ni tambah tue.. judu die lum ade.. lum kawin menahi.. aku ni na ngelek, ngerawe na cucung.. " jawab raje. "memane la na nyakawka die laki ya ilok..,"
"maini raje.. amen jeku, kite mbuat sayembara.. sape ya pacak ngaji,. ilok suahenye,. menang di kerajaan kite ni.. kite hadiahi.. kawin na putri" simbat patihnye..
"ai benaw nia amen die pacak ngaji, suahe ilok,, biasenye budak alim.. keluawwa pesantren.. ai pakam usul kaba patih..umum kale na rakyat kite..! seru raje.
syahdan cerite,. prajurit keliling ke mane-mane.. "PENGUMUMAN,. RAJE NGADEKA LOMBA NGAJI.. SAPE YA MENANG.. DIJADIKA NGAN PUTRI"...... terus keliling.. tedengaw leh PIATU ni tadi..
PIATU nengaw itu besemangat.. " ai amen ku dengau.. PUTRI tu alap ringkih nia.. aku na mikut.."
balekla PIATU nemuni nineng nye...
"neng, aku na mikut komba ngaji di bada raje.." kate PIATU
"tuape kepaca'ah kaba PIATU, ngaji dide.. belajaw pesantren dide.. memane..." timbal ninengnye..
"ai pukoknye aku na mikut.. dide tekeruan,. siape tau pacak menang men ade nasib.." jawab piatu..
pegilah piatu ke bada lomba................................ (bersambung)
hehehe... amen la udem negaunye la tekeruan ceritenye... kele ku sambung aghi ya...red.

"ANTAN DELAPAN"

ini name kesenian jeme bahi lahni, jaman nineng puyang msh gi bujang-gadis. ngape dinameka antan delapan???.. men ji nineng puyang .. base antan delapan dinameka maitu kene biduannye ade lapan jeme.. na pasangannye..  antan tu kisan di alat penutuk jaman behelak lambang lanang nian,, "pasangannye lesung bereti anggun, mempesona.. antan lambang lanang, demi lesung pelambang betine, antan na lesung ame bepisah katek reti.. lesung tekepak saje katek gune amen katek antan, antan juge amen katek lesung dide begune ape, ape.. "  antan delapan gunekah alat musik, biduannye ade 8 uhang, makai kebaya na kain, mbawe selindang batan ngajak bujang/lanang nyadi pasangannye, terus benyanyi sambil juget.. nyanyine bebentuk pantun saling bersahutan biase disebut gurindam, alat musiknye yaitu; gitar, biola, jidur, tetawak, ketipung, nga tambrin (menahi la ade makai orgen pule..) selingannye kadangan ade ye nyanyi maki gitar tunggal biase disebut "Betembang". contoh pantun antan delapan;
nak mandi payulah mandi
mumpung ahi masih gi kelam
nak njadi payulah njadi
mumpung endung masih anjam
belayar kelubuk sungkai
batang kapuk lah hubuh gale
masih anyar lemak dipakai
beguyur lapuk lah mikir pule
selasih mude dibuat ulam
sambel kemang manis begule
masih mude lemak beragam
badan tue lah semang gale
menahi la jarang nengau antan delapan, jeme sedekah (ngawen atawa nyunat) galaklah makai OT (orgen tunggal) mangke beremixka je budak menahi,. ade kina ya makai antan delapan ya mikutinye jeme-jeme tue.. budak-budak menahi amen ke kene selindang bidua antan delapan la belahi nengir dide keruan aghi kemane.
mudah2an kite ya mude-mude pacak melestarika budaya nineng puyang ni.. jangan pacak lagu barat saje.

Langgar Al Istiqomah 7

ini gambar langgar istiqomah 7 ye baru, langgar ye lame masih betegak parak ye baru ini, jaraknye sekitar 100 meter kisan ye baru ini. langgar ini la diresmikah bupati muara enim ketike duson dang ade acara sedekah duson. berkat peran aktif panitia pembangunan dan bantuan donatur, dide lame nian bangunan ini pacak udem.. jazakallah khairan katsir sanak dulurku muhallis, roni dkk ye aktif nyakaw dana batan langgar ini.

Ujanmaskoe

Ujanmas adalah nama sebuah kecamatan di kabupaten Muara Enim propinsi sumatera selatan, Indonesia. dahulu daerah ini disebut wilayah marga tamblang/temblang Ujanmas yang meliputi;
Desa Tanjung Raman, Muara Gula Baru, Muara Gula lama, Pinang Belarik, Ujanmas Lama, Ujanmas Baru, Guci dan Ulak Bandung.

diatas adalah gambar peta ujan mas melalui google map. search dengan "Ujan Mas 1" maka akan ditemukan wilayah ini,